Mohabbat Poetry | Koi Bat Kr Koi Bat Kr

 کوئی بات کر کوئی بات کر

میرے جان جاناں میرے ہمسفر کوئی بات کر کوئی بات کر
تیرے لب ہلیں تو کٹیں سفر کوئی بات کر کوئی بات کر
کوئی بوجھ ہے تو اتاردے کوئی خوف ہے تو نکال دے
میرا ہاتھ ہے تیرے ہاتھ پر کوئی بات کر کوئی بات کر 

کبھی مجھ کو اذن سوال دے جونہیں تو لفظ اچھال دے
تیرے لفظ تجھ سے بھی معتبرکوئی بات کر کوئی بات کر
نہیں یاد کتنے برس گئےتیری گفتگو کو ترس گئے
میری کھڑکیاں میرے بام ودر کوئی بات کر کوئی بات کر

کبھی ساتھ بھی تھے رواں دواں بھلے نصیب ہے درمیاں
بھلے تو ادھر بھلے میں ادھر کوئی بات کر کوئی بات کر
تجھے چپ ہے کیسی لگی ہوئی ابھی عمر تو ہے پڑی ہوئی
ابھی مسکرا ابھی غم نہ کر کوئی بات کر کوئی بات کر 

کوئی آدمی ہے نہ دلیل ہےکوئی بام ہے کہ فصیل ہے
فقظ ایک میں فقط ایک تو کوئی بات کر کوئی بات کر 

کوئی بات کر کوئی بات کر آڈیو سننے کے لیے یوٹیوب لنک پہ کلک کیجیے