Bewafa Shayari | Jan Nisar Akhtar

 آہٹ سی کوئی آئے تو لگتا ھے کہ تم ھو
جاں نثار اختر

آہٹ سی کوئی آئے تو لگتا ھے کہ تم ھو

آہٹ سی کوئی آئے تو لگتا ھے کہ تم ھو
سایہ کوئی لہرائے تو لگتا ھے کہ تم ھو

جب شاخ کوئی ھاتھ لگاتے ھی چمن میں
شرمائے لچک جائے تو لگتا ھے کہ تم ھو

صندل سے مہکتی ھوئی پر کیف ھوا کا
جھونکا کوئی ٹکرائے تو لگتا ھے کہ تم ھو

اوڑھے ھوئے تاروں کی چمکتی ھوئی چادر
ندی کوئی بل کھائے تو لگتا ھے کہ تم ھو

جب رات گئے کوئی کرن میرے برابر
چپ چاپ سے سو جائے تو لگتا ھے کہ تم ھو

وڈیودیکھنےکےلیےوڈیوپہ کلک کیجیے

Sad Poetry